මල් කැඩීම

ගිරගට වැදි
දුරකථන කුළුණක්
සඳු හා පෙමින්
හාදු පිට හාදු දෙන
ගිගුරුම් රැයක්

හේලි ට

මිණි පරයමින් දිදුලන
කෙලක් තරුන් පිපි ගගනත
බාවකුත් එල්ලාන එළි දිලෙන
කොහේ යන්නෙද හේලී මේ උඹ ?

ඉරණම

තණා'ග දිදුලන
තුෂර බිඳකි උදැහැන
හිරුට අතවනන
ඔහුගෙ හැටි නොමදැන

ජල සක

ගගන තෙක් විහිදුනු
ගිරග හිස් ගෙඩි
වලාකුළු සොවෙන් බරකොට
කඳුලු වැසි වටති පොලොවට

බණ

සුපින්වතුනි ;
උකැටලී නොවුන මනාය
සෝදන්නන් අතින්මය
බිඳෙනුයේ
බන්දේසි
එක දෙක......

සඳ

ඝණදුර ගිලගත් ආකහේ
තුරුන් රොත්තට මැදිව
පෙම් කෙළිත්
මඳු සඳ

සයොනාරාවනි,

බටහිර සුළඟට
ඔරොත්තුදේවි ද
උඹේ ඔය
සාම්ප්‍රදායික කිමෝනාව ?

අමතක පාඩම

උගත් පාඩම
අමතක ව
කපුටු කැදැල්ලෙ ම
බිජුලාන
කොහෝහාමි

ගලිවරය

හිතුනෙ නෑ
සිහිනෙකුදු
දිවිතුරු,
විසාලැයි තොප
මෙලෙස බියකරු
හිතුනෙ නෑ
සිහිනෙකුදු
දිවිතුරු
අඟුටු යැයි තොප
මෙලෙස පියකරු

උස් මිටි කුණු හමුවී…

මොකෝ බොලා
ආඩම්බර ඔහෑටි
පලක් නෑ දැන්
රාජකීය පුස් ගැටි
බලාපල්ලා තව විඩෙන්
දෙගොල්ලොම එක හැටි
සභාවේ කුණුවලේ
සමාදානේ සැතපෙනා හැටි