ඉස්පිලි පාපිලි
කොමාවන් ළග
මතක තිත අග්ගිස්සෙ
කෙළෙවර
'විස්මයාර්ථය' !!
ඉතිරිවී ඇත.

මතක පොත්වල;
ඉස්පිලි පාපිලි
කොමාවන් ළග
මතක තිත අග්ගිස්සෙ
කෙළෙවර
'විස්මයාර්ථය' !!
ඉතිරිවී ඇත.

කට්ට කළුවර;
සිනිදු සිරිපොද වැස්ස
කියන්නේ හදවතට
සියුම් කැපුමක්
දායාද දෙන
වචන..

නටුවෙ කට්ටක්
තිබ්බ පලියට
නපුරුකම් නැත
රෝස මල් ළඟ
සනුහරෙ ඇති
කිසිදු මලකට

ලොලීටා

ඇගිලි තුඩු අගින් රහසින්
පිරිමදිනු මැන මා හිස
අකුනු සැරයක් ව එකවිට
පතිත වනු මා කොපුලට
ලොලීටා
උස් සිහින් නිතඹට
පුලුල් මෘදු උකුලට
සංයමය නැති එකයි හොද
සයනයක් නැති එක තමා වරද
ලොලීටා
සිහින් බෙදුම් රේකාවක
දිග පලල මනිමි මම
ඉස්සුනු කොකුම් තුඩු අගක සිට
රතුපාට සායම
දෙතොල්වල
බිදක්වත් නැති තරමට
උරා ගමි මම ,
ලොලීටා
අන්න ඒ වෙලාවට
ඇස් අගිසි වල කදුල
දියමන්ති පරාදයි මට
ලොලීටා

ඔබ කැමති ගීතයක
පද වැලක් මට දෙන්න
හැඩැති තනුවක් එක්ක
හිදින්නෙමි සයන මත
රස හාදු වැස්සකින්
ඔබේ හිත කළඹන්න
ලවන් වල වෙහෙස ගැන
එපා කලබල වෙන්න.

වාසගමක් නැති ගසකට
ඇහැකිනම්
සිතූ ලෙස උස් වෙන්න.
අන්න ඒකයි
නියම නිදහස..

මා හදේ ශේෂ වූ සියම් ආනන්දය...
අත්ලට ගෙන ඔසුකොට...
සොවින් පෙළෙන ,
අනන්තවූ,
විශ්වයේ,
තවරමි...

විට්ටමට බර වෙලා 
නුඹ ඉන්නකොට 
හුස්මක ගැටගැසූ 
බර පොදි 
එකින් එක සීරුවෙන් තබමි 
සකිය 
නුඹෙ හද අසල