විහගකට ඉතිරි කල

ගසකට තියෙනවා
සුරකිව තබා ගත්
කවියක්.

විහගුන් ඈත
ඉගිල ගොස්
නැවත ආ පසුව
කියවන්න ඉතිරි කල...ම

...තරු හා මම...

අහස උනත් දන්නවා 
තරු 
වටින බව 
සඳට 
වැඩිය..

තරු නිශ්ශබ්දයි 
සඳ සන්නද්ධයි 

තරුව 
උබත් නිවි නිවි
දැල්විය යුතුය.
මං වගෙම
මැරෙනකන්ම...

ඔබට නොපෙනේද..!

සයුරු තෙර, මඟ හසර නොම දැන
අතරමං වන විසල් නැවු මත
පාර කියනා ප්‍රදිපයකට
ඇයිද මග කියනු බැරි
මා සතුව ඇති කුඩා
ඔරුවට..!

කියා දෙන්න මට

ඇද වෙච්ච අකුරු
වලින්..
හැඩ වෙච්ච ඔය
දැස..
කැටයම් කරන්නෙ
කොහොම
මම...!

ප්‍රති උපකාර

ස්තුතියි...
ඔබ මට දුන්න පුංචි දේවල් වලට
බොහොම ස්තුතියි...
ඔබ මගෙන් ගත්ත ගොඩක් දේවල් වලට

වර්ණ...

සුදු පාට රෝස පෙති මත

රතු පාට කඳුලු බිඳු

රටා මවන

අපූරුව..!

දැන්විමයි...

ආදරය...මගේ විකිණිමට තිබේ
ණයට ඉල්ලා අමනාප නොවන්න...
එසේ කිරිමෙන් ආදරයත්, මාත්, ඔබත් ..
යන තිදෙනාම මට
නැති වේ...

ආරම්භයක් නැති අවසානය

ආදරය කියා ගන්න
අකුරු ගලප ගන්න බැරි
මම.....
කොහොම වචන ගලපන්න ද
කවි ලියන්න......

කලු සුදු ආදරය...

එහේ මෙහේ ගිය ඉරි කෑලි
සුදු කොලයට කලු පාටින්
රටා මවපු......
වර්ණ අතර, අතරමං ව
චිත්‍රය ඇදපු....
සිත්තරා මං..