ආවර්තනිකතාව

එයා..
ඔයා..
මෙයා..
ඒයි..
තමුසේ..
තෝ..
බැල්ලි..
.
.
.
.
එයා..

අවසානයට නිමාවක්....

ගෙවෙන අවසානයට පෙර එක් මොහොතක්
හිනාවෙන රෝස කම්මුල් වලින් එක් අරමුණක්
දියාරු වෙන දින ගණන් වලට දුන් විරාමයක්
හදවතින් ගතු කියන එකම එක ප‍්‍රාර්ථනා සිහිනයක්
පුරන්නෙමි හදවතින්ම ඔය විඩාබර අවසානයට නිමාවක්...,
හදවතින්ම......

කියා දෙන්න මට

ඇද වෙච්ච අකුරු
වලින්..
හැඩ වෙච්ච ඔය
දැස..
කැටයම් කරන්නෙ
කොහොම
මම...!

එකඟතාවය

මට තරහ,
මගෙ එක්ක...
ඔයාටත් තරහ..
මා එක්ක..
අපි දෙන්න
එකඟ වුනේ
ඒක එක්ක..

රතුවුණ ඇස්

හ්ම් ඇත්ත...
අපි දෙන්නම කලේ විහිළු....
මම ඔයාට,
ඇත්තට,
ආදරෙයි කියල
විහිළුවට තරහ වුණා...
ඔයා.. මට..!
විහිළුවට,
ආදරෙයි කියල,
ඇත්තට තරහ වුණා..
---- රතු වුණේ මගේ ඇස් --

කඩදාසි මල්...

කවි ලියපු කොලය හරි රටාවක නවනවා
තවත් එක මලක් මම අදත් රෑ හදනවා
හදන හැම මලම කඩ දාසි බව හිතනවා
වුණත්, ඉන් නුඹෙ සුවඳ හැමදාම හමනවා

දෙකේ දුර

Shift එක නැතිව
නම් “ එ“ යා.....
Shift එක එක්ක
නම් “ ඔ“ යා.....
....
යුනිකේත දන්නවනම්..
ඒ දෙකේ දුර..

අපේ ගැන

කවරු හරි ලියනවා නම් ඉතින් මගේ ගැන
ඈ සොයා ගෙන ගොසින් පතුලටම හෙමින් කැන
කලුපාට අඳුර කොණ අත ගගා හෙමින් ඇන
ගලන දුක්බර පෙමින්, අපේ ගැන ලියනු මැන

මල @)$%^&*(

මැටි ගොඩක් ඉදිරියේ
වියලෙන්ට පෙර
පර වෙයන් මල

මාව හරි හැටි තාම අඳුරා
ගන්න බැරි බව දැනෙයි ඉඳුරා
ඒ නිසා ඇය මගෙන් උදුරා
ගන්නෙපා මම ඇගේ කිඳුරා

මම ඇයට ආදරේ
බව හොඳට දැන දැනත්
ඇයට කවි ලියන එක
හොඳද මේ වෙන අයත්
ඇගෙ හිතේ ආදරේ
මගෙ නමට නැති වුණත්
දැන ගනින් නුඹටමයි
මගෙ කවිය, හෙට මළත් !

නාට්ටාමිගේ ආර්ථික විශ්ලේෂණය

ඉස්සර

පාංගෙඩියක් ගත්තා

කර ගසා එක මුට්ටයක්

ඒත් දැන්

ගන්නට පාංගෙඩියක්

කරගැසිය යුතු වේ මුට්ට දහයක්

හදුනා ගතිමි...

එකක් හැර සියළුම දේ

හදුනා ගතිමි...

එනමුදු..., 

හදුනා ගැනිමට නොහැකි වු එකම දෙය

නුඹේ ආදරයයි...

@ තවම සොයමින්.....

වාරු නෑ...

මොහොතින් මොහොත සිතුවෙමි

සිතන්නට දෙයක් සොයමින්

ඇවිදයන්නට කාලය හරහා...

පය වාරු නෑ මොහොතකට නැවතී

ගත කරමි මගෙම සොහොන ලඟ,

හැරයන හුස්ම පොද වඳිමින්.....

දිය බිදුව සහ ආදරය.....

හිරි වදින හීන් පෙති අතර

පුංචිම පුංචි දිය බිඳුව බර නෑ

සීතලයි..නැවුම් පෙති මතට... 

හාදු දුන් දිය බිඳුව..,

මියෙන බව දැන දැනත් 

පෙම් කරමි නුඹට මම

නුඹෙ ආදර රෝස පෙති සුබුල....

තනි මකන්නම් හිරු කුමරු එනකන්ම මම......