අප්පච්චි ලා.....

ගිනිගහන අවුවේ
කුඹුර මැද්දේ ඉදගෙන
කරේ තියෙන ලේන්සුවෙන්
දාඩිය පිහිදන මගේ අප්පච්චි,
රූප පෙට්ටියෙන් මතුවෙලා
කූල් කරපු කාමරයක් අස්සේ ඉදගෙන
ගොවියගේ ප්‍රශ්න විසදන්න
බොරු පොරොන්දු දෙන
ආඩම්බරකාර අප්පච්චිට වඩා
සිය දහස් ගුණයක්
උඹව මට වටිනවා.....

කූඩැල්ලා

අවුරුදු තුනක් තිස්සේ
ලේ බිබී ඉදපු කූඩැල්ලා
තත්පර ගානකින් ගලවලා
විසික් කරලා දැම්මා
ඒත්,
තුවාලේ තාමත් තියෙනවා....

චියර් ලීඩර්ස් ලා

එහා ගෙදර පොඩි එකා,
බත් කන්නේ නැති කොට....
අම්මා ඌව බය කරනවා...
ඔන්න පුතේ,
"චියර් ලීඩර්ස්ලා එනවා"...

ගල

කාශ්‍යප රජතුමා,
ඇගේ සිත ගැන දැනසිටියා නම්,
සත්තයි....
මාලිගය හදනවා ඇගේ සිත උඩ...