සී නියර්

මහ හඬින් 

තෙල ගැසූ

සීනියර් බාබරා

ප්‍රා.ලේහි 

ලිපි අතර

තනියෙන්ම

හිරවෙලා

කුණු අදින ගුණේ...

ඉඳුල් අතරින් මතුවූ

අතසුන් බෝනික්කියක දැක

පොඩි දුවට පෙම් බඳින

ගුණේ...

කකුල නැති පුටුවට 

පණ දෙන්න

උඹට පුළුවන්

ගුණේ....

කොණ්ඩයා

සමාවෙයන් අයියෙ
මට උඹව
බේරගන්න බැරිවුණා

'චිහ්'

'තහ්' හඬින් වැටෙන
ගොම තලියට
'චිහ්' කියන මම
එපොහොරින්
පිපෙන මල් සිඹිමි
හිස පහත් කර....

නමුත්

මිහිදන්ය වසන්තය
සුපසන්ය අතීතය
නමුත් පිබිදේ
තුරින් තුර
අමිරි මතකය
බාඳුරා මලක් වී

ආදර කතුර

තව කිරිලියක් වෙත
පියඹන්න හිතෙනවා
ඒත් නුඹෙ ආදරේ
මගේ කටු කපනවා....

සතුටු වැස්ස

ඔය ඇස්වලට පුළුවන්

වැස්සක් වුණත් වස්සන්න

හැබැයි මම කැමති

කඳුළු වැස්සකට නෙමෙයි

සතුටු වැස්සකට

උසුළු

තරු කැට
උසුළු නොකරව
මතු පුරහඳ වන
අද අඩ සඳට....

නොනියත

මන්ද මාරුත
මාර සේනා
සිඳී සියපත
දළින් දළ
තුරින් තුර

මං

දුර අහසෙ රෑ සඳට 

පෙම් කළා හුඟදෙනෙක්

ඒත් ඉන් ළං වුණේ ටික දෙනයි

මං එයින් එක්කෙනෙක්

මං නීල් ආම්ස්ට්‍රෝන්

නොහමුවන්න ඈ..

ප්‍රේමයට අත වනමි
වියළි තුඟු තුරැක නැග
ම'පිසනා සුළඟින් යදිමි
ඈ නොහමුවන ලෙස
දැනේයැයි දුකෙන්
සුළඟටත් දුක.......

මිරිඟු

කවියෙකු දුටිමි

අනුභුතියක් ඇහිඳිනු අටින්

පරාජිත පෙම් සිත් බිමෙක‍

පැමිණ අතරමං වූ

කවුද අකැමැති

අරලිය මලක සුවඳට

සුපෙම් සුභ පැතුමකට

නොපිබිදෙන

කවියා කවුරුද?

අතීතය

හිතුවෙ නෑ කීයටවත්

හිත රිදවන්න පුළුවන් කියලා

බස් ටිකට් එකකටත්...

මම

නෙත් කෙවෙනි
තෙමාලන
කඳුලක්ව ඉපදුණත්
සිනහවක් ලෙස වැඩී
දකින්නට වෙරදරමි
ලෝකය....

මැට්ටි..

දාල යනවා කිය කියා
හැමදාම ළඟින් ඉඳලා
දවසක
කියන්නෙම නැතිව
ගියා නේද?
මැට්ටි

අනුරාධ මම නුඹේ රාධිකා

ආදරේ නාමයෙන්
නුඹව විශ්වාස කර
නුඹ සමග නිදි වැදුණු
අනුරාධ මම නුඹේ රාධිකා

නිරුවත්ව කාමරේ
මගේ මුළු ජීවිතය
නුඹේ අත තියද්දී
මොන නරුම හිතකින්ද
හංගලා කැමරාව
වීඩියෝ කෙරුවෙ නුඹ

සීතලේ පොළව යට
අද තනිව නිදන්නෙමි
අතීතය ගැන සිතා
තවම පසුතැවෙන්නෙමි
දිරාගිය ඇස්වලින්
කඳුළු උගුලුවන්නෙමි

දැනෙන දුක

පහන් එළි නිවෙන විට

දැනෙන දුක මළුවකට

දැනෙනවා හදවතට

නුඹ ළඟින් නොමැති විට....

නුඹ

නිහඬ වූ විට ඇසෙන
සුපෙම්බර කවිය නුඹ
නෙත් පියූ විට ඇඳෙන
සුපෙම් සිතුවමකි නුඹ

පහන් සිල

පහන් වැටියෙහි 

දෙපා බැඳ ලූ

කසා වර්ණැති

සමනලයෙක්ද

පහන් සිල

ඉගිල යන්නට තටු ගසන