නිල් නෙතඟින් හොරෑහින් බලනා බැල්මයි
රත් දෙතොලින් හැඩ කරනා සිනහා පොදයි
මිහිරි මුවින් හඬ නඟනා කටකාර කමයි
ආදර සෙනහස් කෑදල්ලේ කුමරි ඔබයි

ඉනාව සහ හිනාව...

වසාගෙන මුව මඩල කළු වලාවක් ලෙස
දවාගෙන දිවියම අළු යට ගිනි පුපුරු ලෙස
වවාගෙන කන එවුන් පෙන්වයි සුර ලොවක් ලෙස
ඉනාව ඉවර උන දවසට හිනාවෙයන් පෙර ලෙස

(සෑබෑ) ආදරය...

දුටුවා සිනාවක් මින් පෙර නුදුටු...
පැතුවා ආදරයක් මින් පෙර නොලැබු...
ලැබුවා සෙනෙහසක් මින් පෙර නොවිදු...
පිදුවා ජිවිතයක් මින් පෙර නොපිදු...

(අ)ස්වභාවික මරණය

අදද? හෙටද?
නැත්නම්,
මේ මොහොතේද?
නොසිතු නිමේෂයක...
නියතව හිමිවන,
(අ)ස්වභාවික ත්‍යාගය...

නොලියු කවිය/සදැස/නිසදැස

ලියා මකා,
කපා කොටා,
පද බඳින,
තවමත්,
හිතට හදට නොදනෙන,
අකුරු...

ආදරය...

දිනෙක බලාපොරොත්තුවක්,
දිනෙක සතුටක්,
දිනෙක විඳිමක්,
දිනෙක දුකක්,
දිනෙක විදවීමක්,
දිනෙක අලුත් බලාපොරොත්තුවක්...

අම්මා...

ආරම්භයක් හෝ අවසානයක් නොමැති,
උපමාවක් උපමේයක් නොමැති,
ජීවිතයේ ජිවත් කරවන,
සජිවි ජිවය...