මට Heart Attack!

මට  Heart Attack!
ඉතින් Doctor
මගේ හර්දය වස්තුවේ
පුන්චි පුන්චි
රිදුම් හැමදාම....
මේක ඉස්සෙල්ලම
පටන් ගත්තේ,
ශිශ්යත්ව පන්තියෙදි
ඊට පස්සෙ
0/L, A/L
Campus එකේදිත්
ටිකක්…
යාලු වෙන්න කලිනුත්
යාලු වුනාට පස්සෙත්......
අධ්යාපනයයි ප්‍රේමයයි
දෙකම,
සමහර වෙලාවට
ජීවිතේට විසයි,
Doctor…………………….

මරණ දැන්වීමකි ( පෙම්වතාට පෙම්වතියගෙන්)

රෝස කටුවක්
ඇනී
කිරිල්ලක මිය ගියා
ආදාහනය ඉරිදා
නෙලුම් මල් කනත්තේ
ඇගේ ලය සිදුරු වී
ගලා ගිය ලේ බිඳිති
කහට පැල්ලම්
ලෙසින්
පෙනේ මිහි සලුව මත
මීට පසු
සවස් යම
ඔබෙ කවුලු
නොහරින්න
ඈ යලිත්
මියුරු ලෙස
නොගයාවි
කිසිදාක.......................

දේශය මරා ප්‍රේමීයා තනමි

මේ පොළොව
අපේය,
විසිය යුත්තේ
අප පමණකැයි,
එකෙක් කීය......
අනුමත කළෝය,
සෙස්සෝ.....
"දේශප්‍රේමියෙකැයි"
නොපමාව පැවසූහ.
මේ පොලොව
අප සැමගේය...
සියල්ලෝ එක්ව විසිය යුතු,
තවකෙක් කීය...
තොල් කණපිට
හැරලූය සෙස්සෝ.....
"උන්මත්තකයෙකැයි"
සිරගත කළහ ඔහු....
නොපමාව...................

වෘක මිනිසුන්

අපේ 

හදවත්හි

වෘකයන් ද වෙසෙති....

නිදා සිට,

අවදි වෙති,

ගොරවති,

පහර දෙති,

ලේ සොයති,

අඳුරම ප්‍රිය කරති....

නොරටදී

තෙල් තාච්චියක

බැදෙන කැවුමක

සුවඳ දැනේ 

හිතට.............

කවුලුවෙන් එපිට,

හඬ ඇසේ

නම නොදත්

කිරිල්ලක..................

සිහි වේ,

අම්මා කවන

කැවිල්ලක රස...............

අප්‍රේල් 

14 දාවක් කොහිද,

සයිප්‍රසයට!!!!

ෆොටෝ ග්‍රැෆර්ට පෙම්වතියගෙන්....................

Zoom කරන්නත් එපා
Edit  කරන්නත් එපා
Frame කරන්නත් එපා
අපේ ෆොටෝ එක
මෙ විදියටම
වඩා හොඳයි!!

ආදරණීය සෙල්වා.....................

අද ඔබේ 

උපන් දිනයයි

ඔබ නැතුව, 

වසර හතරයි............

අන්තිමට අපි ඉඳපු

මාර ගහ ලඟ

තාම ඔබෙ

සුවඳයි...........

පන්සිලෙන් මඩිනු බැරි

නිමක් නැති සිහින තුල

දහස්වර ඔබේ රුව

මැවී එයි,

සිනාසුනු ඇස් වලින්

දස දහස් වාරයක් 

කඳුලු බිඳු

පතිත වෙයි,

කලු උනත් ඔබ සුදුයි

සුදු වෑන් එක කලුයි...............................

සමානාත්මතාවය

මේ මහ පොළොව
ගැඹුරෙහි
වැළලී ඇත,
සාපලත් අතීතයක
නටබුන්,
මගේම සොයුරන්
ඝාතනය කළ
මගේම සොයුරන්ද,
කුටුම්බයෙන් උදුරාගත්
සැමියන්ද,
මව්වරුන්ගෙන් වෙන්කළ
පුතුන්ද,
උනුන් එකිනෙකා සමඟ
නිදයි මෙහි,
මහ පොළොව
සමව සළකයි
සිහලුන් වුව, දෙමළුන් වුව
මුසල්මානුවන් වුව
නොදිරා ඉතිරි නොවේ.

ධර්මද්වීපය

බලන්න!
මේ නම්,
ධර්මද්වීපයක්මැයි...
"පිරිත්ය
බණය
කැසිනෝය
රගර්ය
මතට තිතය"
පින්වතුනි,
ඉතින්
සාධුකාරයක්
දෙන්න!

නිහඬතාවය

හදවත
කථා කළ
මොහොත!

වැස්ස

සඟවනු නොහැකි
අහසට උරුම
කඳුලු!

මුහුද

නැගෙන
බිඳෙන
ගැහෙන
නිල් පාට හදවත!