-අලුත් ගම වල ඉහිමු-

අපිත් යමු අලුත් ගම

බා ගන්න මාලුවෙක් දෙන්නෙක් 

අපිත් පෙන්නමු අලුත් ගම 

ෆස්ට් වෙන්න, ඔක්කොම  අතරින් 

අපිත් දොඩවමු අලුත්ගම ගැන 

පොර වෙන්න අනෙකට ඉහලින් 

අපිත් ලියමුකො  අලුත් ගම වත

ඈදවා අප අපගෙ සතුරන්

අපිත් විකුනමු  අලුත් ගම අළු

අපි අපිම වෙනුවෙන් 

අපි ඉහ ගමු කුමන වල උව 

කල දුටුව කලියෙන්

නයි නළඟන ගේ පුතා

නයි පැටි පුතේ 

රන් කැටි මුවට, ඒ කිරි නයි රහද 

උබේ අම්මව  

කැලෙන් ගෙනැවිත්,  නලා පිම්බම  

නැටුවෙ ඇයමයි

මට බය 

උබත් නයි විස වෙයිද 

දන දුටු ලැමත් 

නොදුටු ලයත් දකින කොට 

දෙවියෝ බාරයි කාපට් පාර

වැස්ස වලාහක දෙයියනේ 

අනේ නොවඩින්න 

කාපට් පාරට උඩින්

හයිවේ එකට යටින්..

කහ දියේ හෝදපු 

සුදු රෙද්දේ දවටපු 

දහයේ පඬුර මේන්...

බාරයි පරානෙකුත් 

ආගමික පෝෂණය

ඌර නොකන හරකව කන ඉස්ලාම් 

හරක් නොකා එළුමස් කන හින්දු

එළුවා නොකන කුකුලන් කන බර්ගර්

මොකුත් නොකා අරක්කු බොන බුඩිස්ට් 

අන්ප්ල්ග් බණ කියන්නේ කවදාද අනේ

දස ලක්ෂයක් ඉම්පෝටඩ් පිච්ච             මලේ 

පන්දාහයි ටිකට් පිංකම ඉදිරි               පෙලේ 

මික්සර් එකෙන් කවිබණ මිහිරියට        ඇහේ 

අන්ප්ලග් බණ කියන්නේ කවදාද          අනේ 

පන්දාහේ කොලයක් පිරිකරට               තියා 

මැසිමක් වොෂින් අටපිරිකර ලෙසට       කියා

මහා සඟ රුවන සෝෆාවට වැඩම          වලා 

දානය කේටරින් එකකින් සර්ව්              කලා

රහතුන් පහල වී ඇත රට හතර                 අතේ

බුදුරැස් විහිදෙනව දෙවියනි සෑම          කොතේ 

සුදු කිරි ගලනවා දුටු දුටු වෙහෙර              මතේ 

බුදු හිමි හිටියනම් පනිනවා ළිඳට              පුතේ

අනේ කුරහන්

උඹේ පාටයි 

උබේ නමයි

උඹේ රහයි 

මේ ඔක්කොම 

මට නම් දැන්

වස තිත්තයි

අපේ පුතයි මැති පුතයි

මැති පුතා නොගිය 

අපේ පුතා ගිය

කැම්පස් 

අපේ පුතා නොයන 

මැති පුතා යන 

කැසිනෝ 

ආවර්තනිකතාව

එයා..
ඔයා..
මෙයා..
ඒයි..
තමුසේ..
තෝ..
බැල්ලි..
.
.
.
.
එයා..

බලු ....... වෙති.

″ හනිමුන් .

″ කෑම බදු සහන.

″ නිවාස .

″ ප්‍රදර්ශන.

″ නීති.

″ අයිතීන්.

″ රට.

″ රජ.

මහරජ..

අපි නොතැනු 

රට නොතැනු 

ඔහුම තැනූ 

අපිට නොවන 

රටට නොවෙන 

ඔහුටම වෙන