පසලොස්වක..

සඳ
බඩින්
තරු අසබඩ!

සුදු සමනලය

වේශ නිරූපණ ශිල්පියා
මග හැරුණු
රංගධරයා

බිජු රැක්කම
පැටව්
සිල් රැක්කම
නිවන්

අඩවන් දෑසින්- අභිඥා මුද්‍රාවෙන්
දෑඟිලි බැඳන්- වඩන විට බවුන්
කූඹියෙකු ළඟට වුව ඇදී එන
පුංචි පුංචි සීනි කැට

විමුක්තිය පිණිස

පාරදෘශ්‍ය
පාර අදෘශ්‍ය
විමුක්තිකාමියෝ
සිත මිස කය නැති බඹ ලොව!

සිල් මිදුනම
දිය නොවෙන්න
හෙමින් සක්මන
උවැසිය

කැඳත් නැති
කෑඳැත්තෙක්
අඹත් නැති
අඹරොරෙ

අසංඛෙයිය සක්වල
සැරිසරා වියපත්
ආදි අජටාකාශගාමියො
තාරකා ඉබ්බො!

ඇනුණු කටු
පැළැඳ
වල් ඉත්තෑවෙක්!

පමා වී මල් වත්තට
රිංගූ ජෝඩුව
කාටත් පේන තැනක හිඳ ගෙන
නොරිස්සුමෙන් වටපිට බලමින

"ලැජ්ජාවක් නැහැ කිසි
මේ පඳුරු අස්සේ ඉන්නවුන් හට"

මුමුණයි සිහින් හඩින්

බලු වැඩ උපතින් කරන බලු හාමි
උසාවිය ළඟ ද උඩු බුරන
බලු අයිතිවාසිකම් වෙනුවෙන් හඩ නගන
සේ පෙනෙන...

කලට සපැමිණි.

මිණි
නොනිමි
ඇමුණු මිණි
කලට සපැමිණි