ආදරණීය සෙල්වා.....................

අද ඔබේ 

උපන් දිනයයි

ඔබ නැතුව, 

වසර හතරයි............

අන්තිමට අපි ඉඳපු

මාර ගහ ලඟ

තාම ඔබෙ

සුවඳයි...........

පන්සිලෙන් මඩිනු බැරි

නිමක් නැති සිහින තුල

දහස්වර ඔබේ රුව

මැවී එයි,

සිනාසුනු ඇස් වලින්

දස දහස් වාරයක් 

කඳුලු බිඳු

පතිත වෙයි,

කලු උනත් ඔබ සුදුයි

සුදු වෑන් එක කලුයි...............................

access denied

ඇයගේ හදවතට
මුර පදයක් දැමූ බව
සිතා සිටියත් මම

කවුදෝ ඇවිත්
ඇය hack කර ගිහින්
දැන් access නැතිව මම

මොණරනැටුම් ගලට එන්න

වැහි බීරිම පාත් වෙච්චි
බක්මාසේ ළඟ දවසක
හීතල මීදුමත් එක්ක
මොණරනැටුම් ගලට එන්න

දිය සීරා රුරා යන
මොණරු නටන නැටුම් ගලට
පෑයුවත් හඳ නොපෑයුවත්
මොණරු එක්ක ගී ගයන්න
මතක ඇතුව කලිං එන්න

තරු වියනට යටින් එළුව
වැහි බීරිම යටින් ඉඳන්
තරු කීයක් පේනවාද
ගණන් කරලා මට කියන්න

Dedicated ප්‍රේමය

Uploading ඇති
Downloading නැති
නුඹ වෙනුවෙන්ම
වෙන් උන

සමානාත්මතාවය

මේ මහ පොළොව
ගැඹුරෙහි
වැළලී ඇත,
සාපලත් අතීතයක
නටබුන්,
මගේම සොයුරන්
ඝාතනය කළ
මගේම සොයුරන්ද,
කුටුම්බයෙන් උදුරාගත්
සැමියන්ද,
මව්වරුන්ගෙන් වෙන්කළ
පුතුන්ද,
උනුන් එකිනෙකා සමඟ
නිදයි මෙහි,
මහ පොළොව
සමව සළකයි
සිහලුන් වුව, දෙමළුන් වුව
මුසල්මානුවන් වුව
නොදිරා ඉතිරි නොවේ.

රුවැති

රුවැති එදා මා පැතු පැතුමන්
තවම ඇත මගේ හද තුල
පැතුමි නොමියයි මගේ හද තුල
මාව මියයයි ටිකෙන් ටික අද

රුවැති නුබ දැන් ඇත දිවයයි
මගේ සිතුවිලි මාව හඩවයි
නුබේ පැතුමන් සිතට නොහැගවේයි
හදෙහි පැතුමන් සෙමින් පහවේයි

රුවැති,
සිතේ රිදුමන් හුරැයි මට දැන්
කදුලු නැත මට හඩන්නට දැන්
නුබේ නමින් මා හැඩු කදුලැල්
මටත් නොදැනිම වියැකි ඇත දැන්.

මියැදෙන කවි සිත

ආදරය, විරහව
හමුවේ.....
විකසිත උ කවි සිත
අද මියැදෙයි

•තරු පුළිඟු•

මම දුර තියා
තරුවකට පෙම් කලෙමි
එහෙත් ලංවන තුරු
ඒ නුඹේ දුම්වැටියෙන්
පැන ආ පුළිඟුවක් බව
නොදත්තෙමි.

ජීවිත කැන්වසයෙහි 

වැරදී බොඳ වූ

පින්සල් පහර ..

අග්‍රගන්‍ය 

කලා කෘතිය..

පාට  පින්සල් ඉරි මිස

කැන්වසයෙහි කඳුලු

දු‍ටුවෙක් ?