තහනම්

ආදරණීය,
පර මල

දැවෙන ඔබ

දල්වන තුරු
ඉවසුම් නැතිව සිට
දල්වා,
මුළු හදවතින්ම
පහස විද..
මාගේ දෑගිලි තුලම
දැල්වී පිච්චී යන ඔබ...
හරියට
තව මොහොතකින්
අවසන් වන
මාගේ ප්‍රේමය නොවන්නේද..?

කුකවි

සතියකට වතාවක්

මහගෙදර උළු දකින

සිරිදාස කවියෙක්ය

මව් ගුණට කවි ලියන

ආදරයේ මරණය

ලා හිරු රැස් සේ මාවෙත ආ
කුනාටුවක්  සේ මාහැරගිය
කඩුපුල් මලය නුඔ මාගේ

කෙලිලොල් කමින් ගතකල
ඒ සුන්දර අතීතය
සිහිවී හඬයි මා අද ඔබ ලඟ

සුදු ඔසරියකින් හැඩවූ ඔබ
දුක් මුසු මුහුනෙන් යුතුව
මා දෙස බලා සිටිනුයේ ඇයි ද මා ප්‍රියාවිය

ඔබ දකින මේ අවසන් මොහොතේ
කළු මේඝයන් ඇදෙයි අහස් දිය වැටීමට
එම වැහිපොද තුලින් ඔබ
මා හැරදමා යයි සෑම දාටම

ආදරයද?

දහසකුත් සොඳුරු නෙත්

දුටුවමුත් නිති පතා

ඒ එකදු දෑසක

නොදුටු ලෙන්ගතු කමක්

පිරී ඉතිරෙන

ඔබේ අහිංසක ඇස්

ඉඟි කරන්නේ

අදරයමද?????????????

සඳ රැයක වැව් දිය

උනා සළු පිළි

සඳක් වැව බැස

දිය කෙළී...

කෙනෙක් ඒ දැයි විපරමින්

තව සඳක් තරු අතර වී....

ගොවියෙක්මි

පිළිසිඳ නබෝ ගැබ

වැහිවළා කලලයක්

ප්‍රසූත කරන තුරු

බලා හිඳිමි

සරසවි පරිණාම

පොළොස් ඇඹුල්

කරවිල බැදුම්

මීට්ස් බෝල්ස්

නූඩ්ලස් වෙයි

ළංව බැලීම

මල් පෙත්තක
අකුරු පෙළක්?

ඔහෙ පලයං 

මිනි කවියක්...

ගිලිහුණු පිය සෙනෙහස

පේනු තුනේ ප්ලග් ටොප් එකේ අර්ත් වයරේ ගැලවිලා

හෙන පුපුරන,අකුණු වදින මහා මුසල අඳුරු දවසේ
ප්ලග් ටොප් එක උණු වෙලා

නො-එබෙන යතුර

එබෙන මිරිකෙන යතුරු පුවරුවේ
මැද තනිවූ කුහුඹුවෙකු මෙන්
ඇඟිලි තුඩෙන් , නියපොත්තෙන් බේරී
කිසිදා නො-එබෙන යතුරක් සොයමි මම

තහනම්

තහනම් අඩවියේ සරණා යුවැත්තියේ

තහනම් දොරේ අත තියාපු යුවැත්තියේ

තහනම් ඵලේ රස බලාපු යුවැත්තියේ

තහනම් උනේ මාසිකයද යුවැත්තියේ

මගේ මිතුරා

රළු පොළොවේ ගල් ඇණි ඇණී දුවද්දී
පයේ නොවූ
මෘදු පොළොවේ ඇවිදිද්දී
පිහිටට එන බාටාවකි

බඹරු

ඉටි මලෙත්

සොයති රොන් 

කවර් කෙරුමට

දවසෙ ටාගට්