චුම්බන කන්ද පාමුල 
හති දමන සකියනි 
අසනු මැන 
තව දුරය මුදුනට 
මේ ඇරඹුමක් පමණය

පාළු නුගේගොඩ

බාහුවේ මැද හරිය
අල්ලාගෙන තදින්
හිමිහිට..
කඩල ගොටුවක්
ගුලිකර
කවපු මතකයක්
ඇත නුගේගොඩ..

..
නෝක්කාඩුවක
කෙලෙවර
කහ ඉර මැද්දේ
නැවතුන..
මතක පොතක්මය
පාළු නුගේගොඩ..

හබරල කොළයක් දන්නවද
පිණි කැටයක
සුවඳ..
අන්න ඒකට
කොහිල කොළ.

හිතන්න,
කප්පරක් දේ ඇතිකොට
මුහුද එන්නේම
වෙරළට..
සිප්පි කටු හෙම අරගෙන
අහිමි සොදුරිය
වැළදගන්නට.

ආදරය එහෙමය

අමතනා වරක් පාසා
සන්ධිව එසැනකින් විසන්ධි වන
හැම ඇමතුමකට ම පසු
නෙතට හොරෙන් හද කඳුළු හෙලූ බැව්
කෙලෙසක පවසම්

ආදරය එහෙමය,
තුටින් පෙම්මල් සැලේ
කැළැල් සුවවී යලිත් ලියලා
පෙරටත් වඩා වී සවිමත්

ගිණි පිඹින රතු
මකරුන්ට වුව
වෙඬරු සදිසි
හදවත් ඇත උණුවන.

31, 1 හා 2

ජනවාරි 1 දා
අළුත් වෙන්නට එපා
ජනවාරි 2 දා
දෙසැම්බර් 31 දා සිටි
අයම බවට
පත්වනවානම්