පැවිදි

ආශා මාරුත ඉඳුරු සිදුරකින්

රහසේ ඇදිලා රළ නංවන කල

සිත් වෑ බැම්මේ වදිනු නොදී

මා ගුරු හිමියන් සිත රුව තුළ වී

මසිත රකී රළපනාව වී......

ලොතරැයිය

එකතු කර

විසිකෝටියක්

එකෙකුට දෙයි

එක කෝටියක්...

තහනම්

ආදරණීය,
පර මල

දැවෙන ඔබ

දල්වන තුරු
ඉවසුම් නැතිව සිට
දල්වා,
මුළු හදවතින්ම
පහස විද..
මාගේ දෑගිලි තුලම
දැල්වී පිච්චී යන ඔබ...
හරියට
තව මොහොතකින්
අවසන් වන
මාගේ ප්‍රේමය නොවන්නේද..?

කුකවි

සතියකට වතාවක්

මහගෙදර උළු දකින

සිරිදාස කවියෙක්ය

මව් ගුණට කවි ලියන

ආදරයේ මරණය

ලා හිරු රැස් සේ මාවෙත ආ
කුනාටුවක්  සේ මාහැරගිය
කඩුපුල් මලය නුඔ මාගේ

කෙලිලොල් කමින් ගතකල
ඒ සුන්දර අතීතය
සිහිවී හඬයි මා අද ඔබ ලඟ

සුදු ඔසරියකින් හැඩවූ ඔබ
දුක් මුසු මුහුනෙන් යුතුව
මා දෙස බලා සිටිනුයේ ඇයි ද මා ප්‍රියාවිය

ඔබ දකින මේ අවසන් මොහොතේ
කළු මේඝයන් ඇදෙයි අහස් දිය වැටීමට
එම වැහිපොද තුලින් ඔබ
මා හැරදමා යයි සෑම දාටම

ආදරයද?

දහසකුත් සොඳුරු නෙත්

දුටුවමුත් නිති පතා

ඒ එකදු දෑසක

නොදුටු ලෙන්ගතු කමක්

පිරී ඉතිරෙන

ඔබේ අහිංසක ඇස්

ඉඟි කරන්නේ

අදරයමද?????????????

සඳ රැයක වැව් දිය

උනා සළු පිළි

සඳක් වැව බැස

දිය කෙළී...

කෙනෙක් ඒ දැයි විපරමින්

තව සඳක් තරු අතර වී....

ගොවියෙක්මි

පිළිසිඳ නබෝ ගැබ

වැහිවළා කලලයක්

ප්‍රසූත කරන තුරු

බලා හිඳිමි

සරසවි පරිණාම

පොළොස් ඇඹුල්

කරවිල බැදුම්

මීට්ස් බෝල්ස්

නූඩ්ලස් වෙයි