හෙ(ව)නැල්ල

කන්නෙත් නැති
බොන්නෙත් නැති
පාටක් නැති
මෙලෝ රහක් නැති
නුඹ කව්ද?????

නුඹ

ලඟ

නැති

අද

මට

සඳ

මොකට?

හරය

මොරදිදී දෙසන
අඩු වැඩිකොට
බෙදා ගුණකර
වාසි ගෙනෙන සේ
සකසති හරය
උනුනට ම සරි

මම නොබලමි.

සඳවතිය මොනා හරි
කියන්නැති
අහස දැන් ලහි ලහියේ
වළාකුළු ආවරණ
රැස් කරන්නේ
බොරු කලබල..
මම ඇය දිහා නොබලමි.

අන්තිම පෙට්ටියේ අපි..

අපි හැමදාම එනකොට
කෝච්චිය යන්න පටන් අරන් ඉවරයි...
කොහොම හරි අන්තිම පෙට්ටියේ
එල්ලිලා අපි
ඉස්ටේසමට ලඟාවෙනවා...

ලේ

බේරුවලේ
මහ දවාලේ
මුහුදු වැල්ලේ
බිල්ලේ
ලේ

පෙම්වත් ගැහැණිය

කොණ්ඩෙ මූණෙ ඇඳුමෙ ඉඳන්
හිතේවත් කිසිතැනක වෙනසක් නැති
එක වගේ මොඩල් අතරෙ
නු‍ඹ මට අරුම ගැහැණියක්!

රමණය

දැඟලීමක්
කෙඳිරීමක්
හතිදැමීමක්
සහ
අවුල්වීමක්

ආදරය | වෛරය

කෙස් ගසක
වෙනසකින්
උපදින
එකම චෛතසිකය.

නැවතුම්පළ

රුදුරු වැස්සෙන් පහර වදිමින්
අඳුර සමගින් ගොඩ වදින්නෙමි
සිනහා,ඝෝසා,සුසුම් අතරින්
පුරුදු මුල්ලට පිය නගන්නෙමි