සදාකාලික අමරසිරි

ප්‍රේමයේ
සදාකාලික නොවන බව
එදිරිසිංහයන්ගේ හඬට
මුහුකල
ආනන්ද අමරසිරි
නොමැරෙන සිරියකින්
ලියන්න එය
පරමාදර්ශී නොවන බවත්

මේ කවිය නුඔටමයි

තිබුණාට අාදරය - මහ මෙරක් වගෙ නුඔයි
කවි ලීවෙ නෑ නුඔට - ඒනමුත් අාදෙරෙයි

සිත ගියත් අරෙහෙ මෙහ - නැවතුනේ ඔබෙ ලගයි
හැමදා ළඟ හිඳි - නොසිතු කතාවක් ගොතයි

මෙි දිවි ගෙවෙන්නේ - නුඔෙ නමින් විතරමයි
සොදුරු සිහිනය ඔබයි - මේ කවිය නුඔටමයි

කටු

පාදයක ඇනී
ඇදුම්කන්නට පෙර
ගලවා ඉවතලිය හැක
කටුවක්

ජීවිතේ ඇනුණු කටුද
එලෙස ඉවතලිය හැකිනම්
ගලවා පහසුවෙන්
සුළු වේදනාවකින්

තෙල්

පෙට්‍රෝලියං එකේ උන්ට හරි පඩිලු මහත්තයෝ
ඕකුං නඩත්තු කරන්න තමයි
අපේ බඩට ගහන්නේ
ත්‍රීවීල් රියදුරා ඇරඹූ කතාව
නතර කලේ මම බහිද්දි...
මමත් වරායයි පෙට්‍රෝලියං එකයි
මණ්ඩලෙයි ඔක්කොම ට්‍රයි කලා
බැරිම තැන වීල් දුවන්න ගත්තා
ඒකකට ගියා නං
ගොඩමනේ ඉතිං...

ශිෂ්ඨ මිනිස්සු..2

මුහුද ද මායිම් කර අරගන්න
අහස ද කීතු කීතු කර බෙදාගන්න
ඔබට තව හැකිනම්
සුළඟ ද අයිති කරගන්න
අපියි ශිෂ්ඨ මිනිස්සු....

ගඟබඩ සිට ඔබට ලියමි

ගංඟාවෝ ගලා යති
අවට ලෝකයක් ගැන නොසිතාම
ගැඹුරුව.. නිසසලව..
බැබලෙනා ජලතලයකින්
නොපෙන්නා..
එහි පතුලේ සැඟවාන ඇති
බාධක..උඟුල්.. ආගාධ..
.............................
ගංඟාවෝ ගලා යති!

ශිෂ්ඨ මිනිස්සු

වැට බදින්න පුන් සඳට
ඉරි ගසා හිරු බෙදාගන්නට
එකක් නෑර තරු ගනින්නට
ජාතික අනුපාතයට බෙදාගන්නට
අපියි ශිෂ්ඨ මිනිස්සු....

විවාහය

නොගැලපෙන අදහස්
බලෙන් ගලපමින්
ජීවත් වීමේ..
සංස්කෘතික රාමුව

නිර්වාණය

හැගීම්
ඇසුරේ
සිර වී
පැටලැවී ලෝ දැලේ

සුස්මෙන් පීඩිතව
ලඟා වනතුරු නිර්වාණය

සුරු නිය තුඩු

කතා කරනා හැටි
රතු නිය තුඩු
මාරු කරමින අතිනත
විත පිරූ බඳුන සුරුවට..