April 6, 2016

පුනරාගමනය

ගොර බිරම් රළ බිඳෙන
ඒ වුණත් හිත නිවෙන
හෝ ගාන පොකුණ අස

බොහෝ කලකට ඉහත
හැර දමා පිය මැන්න
ඔය කොළඹ කළු අහස

යළි නොයෙන්නට පැතුව
ඇන්ටෙනාවෙන් වැසුණ
කොන්ක්‍රීට් වන අරණ

දමා යන්නට කිසිත්
ඉතිරි වී නැති කලෙක
හැරදමා පියමැන්න
විඩාපත් එපුරවර....

*************

ඈත ගම් පියස්සෙක
උලලේනි හඬන රෑ
හඳ එළියෙ නැහැවෙමින්

නුඹේ සෙනෙහස් ගඟේ
කිමිදෙන්න වරම් නැති
මූසලම මේ රැයේ

අනාගතයක සිහින
යළිත් මම දකින්නෙමි
ආයෙමත් රැඳෙන්නට
කොළඹ කළු අහස යට....

2 comments:

  1. මේකේ 'මිනි' කොටස සොයා දෙන්න

    :-D kidding

    ReplyDelete
  2. මිනි නැතත් ඒ කවි වැල
    අගේය හෝ ගානා පොකුන

    ReplyDelete